Connect with us

Hi, what are you looking for?

#ФОКУС

Пoчина познатиот српски пејач Предраг Живковиќ Тозовац

Легендарниот фолк-пејач Предраг Живковиќ Тозовац почина од последици на коронавирусот на 86-годишна возраст.

На 5 март Тозовац бил примен во клиничката болница „Драгиша Мишовиќ“ во Белград со потврден коронавирус и пневмонија.

Пејачот бил приклучен на кислород, а во болница бил примен во сериозна, но стабилна состојба. За жал,  Тозовац  не успеа да го победи коронавирусот.

Тозовац е роден во Кралево во 1936 година, од татко Светозар Тоза Живковиќ, по кого го добил прекарот, и мајката Будимка. Во октомври 2012 година тој доби диплома за заслужен граѓанин на градот Кралево.

Многумина го сметаат за најголем господин на српската народна музика, а неговите песни и денес се неизбежен репертоар на сите прослави и свечености, како што се „Ти си ме чекала“, „Очи једне жене“, „Јесен у мом сокаку“, „Лено, Лено Магдалено“ и други.

На почетокот на 2021 година славниот пејач се ожени со својата животна сопатничка Емилија Мима, по 40 години љубов и заеднички живот.

 

error: