Откако подолго беа посветени на своите соло кариери Стјепан Хаузер и Лука Чулиќ повторно се собраа да ја прослават 10-годишнината од својата кариера како „2Cellos“.
Првиот видео-запис по повеќе од една година се појави на официјалниот YouTube канал „2Cellos“, а Хаузер и Чулиќ за таа пригода ја избраа песната „Livin’ on a Prayer“ од Бон Џови.
Под видеото на „Јутјуб“ фановите во коментарии се прашуваа дали станува збор за првоаприлска шега, но дуото на своите профили на „Инстаграм“, исто така, потврди дека се вратиле за нивниот јубилеј. Ова е нивно прво заедничко издание по пауза од две години.
„Не е први април, легендите се враќаат“, е само еден од коментарите.
