Connect with us

#КИНО

(Видео) Специјалната епизода на „Пријатели“ ќе биде достапна и во Азија на 27 мај

Фановите на култната ТВ-серијата „Пријатели“, која заврши во 2004 година, со нетрпение ја очекуваат средбата на шесте актери во една епизода, без претходно напишано сценарио.

Средбата со наслов Friends: The Reunion Special ќе се емитува на американскиот „Ејч-би-о макс“ на 27 мај, но фановите во Азија се чувствуваа малку изоставени.

А сега сите фанови во Југоисточна Азија може да се вклучат во забавата и да ја гледаат дружбата на познатата шесторка во ист ден и време како и во Америка.

Повторното обединување на пријателите ќе се емитува на 27 мај во 3.01 часот (SGT), екслузивно преку HBO GO во Сингапур, Индонезија, Малезија, Филипини, Тајланд, Виетнам, Хонг Конг и на Тајван.

Првпат по 17 години, фановите ќе го видат враќањето на sвездите на „Пријатели“ – Џенифер Анистон, Кортни Кокс, Лиза Кудроу, Мет Лебланк, Метју Пери и Дејвид Швимер.

#КИНО

Замина француската легенда: почина Жан Пол Белмондо

Легендарниот француски глумец со светска слава, Жал Пол Белмондо, почина во 88-та година од животот.

Веста за AFP ја потврди неговиот адвокат.

Актерот починал во неговиот дом во Париз. „Беше многу слаб во последно време. Замина тивко.“ – ја пренесува изјавата на Мишел Годест „Франс Прес“.

Жан Пол Белмондо беше миленик на филмската публика, а особено беше обожуван од понежниот пол. Глумеше во над осумдесет филмови, остварувајќи извонредни улоги. Беше познат и по тоа што каскадерските улоги ги снимаше сам.

Славата ја достигна со култниот филм на режисерот Жан Лук Годард „До последен здив“, во кој глумеше млад бунтовник. Меѓу најзначајните негови филмски остварувања се „Борсалино“. „Маргиналец“, „Гори ли Париз“, „Човекот од Рио“ и „Човекот од „Хонг Конг“ и филмската класика „Професионалец“.

Continue Reading

#КИНО

ОСКАРИ на Сител на 26-ти февруари, 14 номинации за „Ла Ла Ленд“


Американската Академија за филмски уметности и наука денеска ги соопшти номинациите за наградата Оскар во 24 категории. Мјузиклот „Ла Ла Ленд“ освои рекордни 14 номинации, меѓу кои за најдобар филм, режија (Дамиен Чазел), најдобар актер и актерка (Рајан Гослинг и Ема Стоун), со што се изедначи со филмовите „Титаник“ и „Се за Ева“ по број на номинации. 14 години откако „Чикаго“ освои Оскар за најдобар филм, повторно мјузикл е фаворит за главната награда.

По 8 номинации имаат филмовите „Месечева светлина“ и „Пристигнување“. Покрај овие две остварувања и „Ла Ла Ленд“ , за најдобар филм номинирани се и: „Огради“, „Лав“, „По секоја цена“, „Скриени фигури“, „Манчестер на море“ и „Гребенот на спасените“, кој му донесе номинација за режија на Мел Гибсон, што беше вистинско изненадување.

Оскаровката Мерил Стрип ја освои нејзината дваесетта номинација за улогата во „Флоренс Фостер Џенкинс“, со што постави нов рекорд за актерски номинации. За најдобра актерка номинирани се и Ема Стоун, Натали Портман за „Џеки“, Рут Нега за „Сакана“ и Изабел Ипер за „Таа“.

За најдобар актер номинирани се: Рајан Гослинг, Кејси Афлек за „Манчестер на море“, Виго Мортенсен за „Капетан Фантастик“, Дензел Вашингтон за „Огради“ и Ендру Гарфилд за „Гребенот на спасените“.

Изненадување беше што изостанаа номинации за Хју Грант, Том Хенкс и Ејми Адамс.

За најдобар филм од неанглиско говорно подрачје номинирани се: данскиот „Земја на мини“, иранскиот „Продавач“, шведскиот „Човекот наречен Ове“, австралискиот „Тана“ и германскиот „Тони Ердман“.

ТВ Сител ексклузивно ќе го пренесува 89-то доделување на филмските награди Оскар в недела,  26-ти  февруари. 



Continue Reading

#КИНО

„Зелена книга“ најдобар филм на Оскарите


Американската филмска академија ги додели најпрестижните  награди во светската филмска индустрија Оскар.

„Зелена книга“ е прогласен за најдобар филм. Филмот на Питер Фарели се базира на вистинска приказна за расизмот. 

Рами Малек и Оливија Колман се најдобри главни актери додека со Оскар за режија е награден Алфонсо Куарон за филмот Рома.

91. издание на Оскарите се одржа во Долби театарот во Лос Анџелес.

 



Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: